Erasmus+ პროექტის გამარჯვებული
მთავარი
NEU - ს სამართლის სკოლის აკადემიური პერსონალი - ელენე გრიგოლია Erasmus+ პროექტის გამარჯვებულია.
პროგრამის ფარგლებში ელენე გრიგოლია აკადემიურ მობილობას განახორციელებს იტალიის ერთ - ერთ გამორჩეულ და ისტორიულ უმაღლეს საგანმანათლებლო დაწესებულებაში - University of Naples Federico II-ში, რომელიც ევროპის ერთ - ერთ უძველეს უნივერსიტეტს წარმოადგენს.
მობილობის პერიოდში მონაწილე გაეცნობა უნივერსიტეტის საგანმანათლებლო და კვლევით პრაქტიკებს, ჩაერთვება პროფესიულ და აკადემიურ აქტივობებში, რაც ხელს შეუწყობს ცოდნის, გამოცდილებისა და საუკეთესო საერთაშორისო პრაქტიკის გაზიარებას.
Erasmus+ პროგრამაში გამარჯვება არა მხოლოდ ინდივიდუალური პროფესიული წარმატებაა, არამედ კიდევ ერთი მნიშვნელოვანი ნაბიჯია NEU-ის ინტერნაციონალიზაციის, საერთაშორისო თანამშრომლობის გაღრმავებისა და ევროპულ აკადემიურ სივრცეში ინტეგრაციის მიმართულებით.
ვულოცავთ ელენე გრიგოლიას ამ მნიშვნელოვან მიღწევას და წარმატებებს ვუსურვებთ პროფესიულ განვითარებაში.